fbpx

ကုန်စည်စီးဆင်းမှု Logistics နယ်ပယ်မှ Block chain နည်းပညာ (Block chain technology in logistics )

Block chain ဆိုသည်မှာ ငွေပေးငွေယူ၊ ပစ္စည်းအထုတ်အသွင်း၊ နှစ်ဦးနှစ်ဖက်ညှိနှိုင်းသဘောတူညီချက် စသည့်လုပ်ငန်းဆိုင်ရာ အချက်အလက်များအား ဝှက်စာရေးနည်းကို အသုံးပြုလျက် မှတ်တမ်းတင်ကာ သက်ဆိုင်ရာအဖွဲ့အစည်းအတွင်း (သို့မဟုတ်) အဖွဲ့အစည်းများအတွင်း ပွင့်လင်းစွာထုတ်ပြန်ဖြန့်ချိသော မှတ်တမ်းတင်မှုစနစ်တစ်ရပ်ပင်ဖြစ်သည်။

အဆိုပါ မှတ်တမ်းတင် သတင်းအချက်အလက်ဖြန့်ချိမှုစနစ်တွင် central server ကဲ့သို့ ဗဟိုမှထိန်းချုပ်မှုမျိုးမရှိပဲ ကွန်ယက်အတွင်းချိတ်ဆက်ထားသော ကွန်ပြူတာအားလုံးသို့ တစ်ပြိုင်တည်းအင်တာနက်မှတစ်ဆင့် သတင်းပို့၊ သတင်းယူပြုလုပ်ပေးခြင်းဖြစ်သည်။ ကွန်ယက်အတွင်းရှိ ကွန်ပြူတာတိုင်းသည် သတင်းလက်ခံသူအဖြစ်သာမက သတင်းပေးပို့သူအဖြစ်ပါ ဆောင်ရွက်နိုင်သည်။

Block chain ကို အရှင်းလင်းဆုံး အဓိပ္ပာယ်ဖွင့်ဆိုရမည်ဆိုလျှင် Blocks ဟုခေါ်သော သတင်းအချက်အလက်များပါဝင်သည့် မှတ်တမ်းအုပ်စုများ၏ တစ်ခုနှင့်တစ်ခု စဉ်ဆက်မပြတ် ချိတ်ဆက်နေမှု (Chain of Block) ပင်ဖြစ်သည်။

Block ဟုခေါ်သည့် မှတ်တမ်းအုပ်စုတစ်ခုချင်းစီတွင် ယခင်မှတ်တမ်းအုပ်စု (Bkock) မှ ဝှက်စာအညွှန်း (Cryptographic hash)၊ အချိန်ပြပုဒ် (Time stamp) နှင့် လုပ်ငန်းဆိုင်ရာသတင်းအချက်အလက် (Data) များပါဝင်သည်။

Block များကို တစ်ခုနှင့်တစ်ခု ချိတ်ဆက်ထားသည့်အားလျော်စွာ သတင်း (သို့မဟုတ်) အချက်အလက်တစ်ခုကို Block တစ်ခုတွင် မှတ်တမ်းတင်လိုက်သည့်နှင့် အဆိုပါသတင်း (သို့မဟုတ်) အချက်အလက်ကို ပြင်ဆင်ပြောင်းလဲခြင်း မပြုနိုင်တော့ပေ။

အကယ်၍ မဖြစ်မနေ ပြင်ဆင်ပြောင်းလဲလိုပါက ကွန်ယက်အတွင်းရှိ အများစု၏ သဘောတူညီမှုဖြင့် ပြင်ဆင်လိုသည့် Block နှင့် ဆက်စပ်နေသော Block များအားလုံးကိုပါ ပြင်ဆင်ပြောင်းလဲမှ ရမည်ဖြစ်သည်။ သို့ဖြစ်၍ Block chain ရှိ မှတ်တမ်းများသည် ပြင်ဆင်ပြောင်းလဲရန် မဖြစ်နိုင်သည့်ပြင် ရေးသားထားသည့်ဝှက်စာ၏ သော့ချက်ကိုမသိရှိသော ပြင်ပပုဂ္ဂိုလ်များ၏ ဝင်ရောက်နှောက်ယှက်မှုမှ ကောင်းစွာတားဆီးနိုင်သည့် အားလျော်စွာ လုပ်ငန်းအဖွဲ့အစည်းများအတွင်း လုပ်ငန်းဆိုင်ရာမှတ်တမ်းများကို ထိရောက်စွာနှင့် လုံခြုံစွာအသုံးပြုနိုင်ရေးအတွက် Block chain နည်းပညာကို အသုံးပြုလာပြီဖြစ်သည်။

မူလက ဘဏ္ဍာရေးဆိုင်ရာ ငွေပေး၊ ငွေယူလုပ်ငန်း ထိရောက်မြန်ဆန်စေရန် တီထွင်ဖန်တီးခဲ့သည့် Block chain ကို ယခုအခါ ဘဏ္ဍာရေးနယ်ပယ်တွင်သာမက အခြားနယ်ပယ်အသီးသီးတွင်ပါ ထိရောက်စွာအသုံးချလာကြခြင်းဖြစ်သည်။

#SuperLight #Logistics #Block_Chain_Technology_in_Logistics

Share on facebook
Share
Share on linkedin
Share
Share on twitter
Twitter
en_USEN
my_MMMY en_USEN